MKUU wa Mkoa wa Arusha, Mrisho Gambo, amesema kuwa ofisi yake inakusudia kuimarisha
usalama wa mkoa huo kwa kufunga kamera za CCTV zitakazosaidia kubaini
matukio ya uhalifu na wahalifu kwenye mitaa ya Jiji hilo la kitalii.
Sehemu ya mitaa ya Jiji la Arusha kama inavyoonekana kupitia picha ya satelite.
RC,Gambo amedai kuwa tayari mchakato wa kutekeleza mpango huo umeanza alipokua akizungumza na na Balozi wa Sweden
nchini, Katarina Rangnite , akiwa na ujumbe wa wabunge kutoka
nchini humo,uliomtembelea ofisini kwake.
Mkuu wa Mkoa wa Arusha,Mrisho Gambo (kulia) akipokea zawadi kutoka kwa kiongozi wa ujumbe wa wabunge wa Sweden
Bi. Matilda Irnkarns waliomtembelea ofisini kwake.
"Tunakusudia kuongeza usalama mkoani mwetu kwa kufunga kamera za CCTV
zitakazotuonesha matukio ya uhalifu na wahalifu watakaokuwa
wakiwasumbua wananchi wa Arusha, watalii na hata wawekezaji Mkoani
mwetu,"......"Tunapokuwa na uhakika wa kudhibiti wahalifu tunakuwa na uhakika wa
usalama na kuwavutia watalii na wawekezaji,pia wananchi wanakuwa na
amani,"Gambo alisema.
Kwa upande wake, Balozi Rangnite alikubali kuwekeza katika mfumo huo
wa CCTV unaotegemewa kufanya kazi kwa saa 24 kila siku,na kuongeza kuwa Sweden ina wataalamu waliobobea katika mifumo
hiyo ya usalama wa miji hivyo kumuomba Mh. Gambo awasilishe ombi lake kwa
maandishi mradi huo utekelezwe.
