Rapper na mmiliki wa lebo ya muziki ya Rock Nation,Jay Z atatumbuiza kwenye tamasha la kampeni za mgombea urais wa Marekani kwa chama cha Democratic,Bi.Hillary Clinton siku moja kbla ya uchaguzi huko Cleveland,Ohio.
Mpaka sasa hakuna taarifa rasmi iliyothibitishwa kutoka kwa rapper huyo ila kwa mujibu wa mtandao wa Cleveland.com, mtu wa karibu kutoka kwenye kambi ya kampeni za Bi.Clinton amethibitisha 'Jigger' kutumbuiza kwenye tamasha hilo kwenye jimbo la Ohio linalotajwa kuwa upinzani mkubwa likiwa na lengo la kuwahamasisha raia kupiga kura.
Hii haitakua mara ya kwanza kwa Jay Z kushiriki kwenye kampeni za kisiasa kwani miaka miine nyuma aliungana na Bruce Springsteen kwenye tamasha la kampeni za Rais Barack Obama huko Columbus siku moja kabla ya uchaguzi ambapo kwenye tamasha hilo alinukuu moja ya mashairi yaliyopo kwenye wimbo wake maaarufu wa "99 Problems" na kuwaambia watazamaji "I got 99 problems and Mitt ain't one",Ikumbukwe kwamba katika uchaguzi huo Rais Obama alikua akichuana na Mitt Romney wa Chama cha Republican.
Taarifa hizi zimekuja wakati ambao mgombea wa chama cha Republican,Donald Trump akiwa kwenye vita ya maneno na mastaa wengi wa muziki nchini humo hasa wanamuziki wa 'Hip Hop' akiwemo rapper YG,Napsey Hussle,Macklemore,Rick Ross na T.I,Huku Bi.Clinton akipata sapoti ya rappers kama Pusha T,Common,Chance The Rapper na Will.i.am.
