Mbunge wa Bumbuli na Waziri wa nchi,Ofisi ya Makamu wa Rais anaeshughulikia muungano na mazingira,January Makamba,October 12,alifanya ziara kwenye ofisi za lebo ya muziki ya WASAFI (WCB),inayomilikiwa na Mwanamuziki Diamond Platnumz.
Sio jambo la kushangaza kwa Waziri huyo kutembelea studio hizo kwani licha ya kupata bahati ya kuteuliwa kwenye nafasi kadhaa za uongozi nchini,amekua mtu wa kujichanganya na kushiriki shughuli za makundi mbalimbali ya kijamii hasa vijana.
Katika mchakato wa Urais kupitia chama chake (CCM) mnamo mwaka 2015,aliingia kwenye tano bora ya wagombea waliopendekezwa kugombea urais kwa tiketi ya chama chake,na kuwa kijana pekee aliewatoa kimasomaso vijana wa chama hicho kwenye nafasi hiyo nyeti ya uongozi.
